Наркотиктæ парахатгæнæджы сбæрæг кодтой Цæгат Ирыстоны

Героины 3 мин дозæйæ фылдæр фæнд кодта апарахат кæнын 27 аздзыд нæлгоймаг Цæгат Ирыстоны. Барадхъахъхъæнджытæ йæ, агурæн мадзæлтты фæстæ, æрцахстой. Куыд рабæрæг, афтæмæй Мæскуымæ ввахс цæрæг, нæ республикæмæ æрбаласта наркотиктæ, йæхимæ йын ссардтой 7 тыхтоны, ноджы 12 ма йæ фатер ын куы басгæрстой, уæд. Уымæй уæлдай ма йæм æмбæхст уыдысты наркотиктимæ дзæкъултæ. Экспертизæ куыд равдыста, афтæмæй уый уыди героин. Йæ иумæйаг бæрц - 300 граммы. Скæнæн дзы ис 3 мин дозæйæ фылдæр. Законхалæг фæнд кодта сæ фæсаууонмæ уæй уæнын. Пъæлицæйæгтæ йæм ссардтой цалдæр чырæ телефоны æмæ банчы картæтæ. Ныртæккæ йæ рæстæгмæ сбадын кодтой изоляторы. Байгом кодтой уголовон хъуыддаг Уæрæсейы уголовон кодексы 228-æм æмæ 3-æм статьятæм гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv