Куыст сын агурынц

Завод «Электроцинчы» фæллойгæнджытæ æгуыстæй хъуамæ ма баззайой. Уралы хæххон-металлургон компанийы сын нæ бæстæйы иннæ субъектты куыстуæтты аразынц бынæттæ. Уæрæсейы фæллойадон кодексмæ гæсгæ сын сæ дæсныйадты бындурыл цæттæ кæнынц ног куыстытæ. Кæнæ та сын фадат дæттынц сæ дæсныйад аивынæн. Уыимæ ма сын æмбæлгæ мызд æмæ социалон фиддонтæ дæр ратдзысты. Зæгъæм, 8-æм апрелы Урапы хæххон комбинаты Хъæрæсе-Черкесийы ног бынаты кусын райдыдта «Электроцинчы» вельццехы раздæры кусджыты къорд. Куыстуат йæхимæ райста сæ ног уæнгты фæндаггон æмæ цæрыны хæрдзтæ. Хуссар Уралмæ Медногорскмæ дæр «Электроцинчы» раздæры кусджытæй чидæртæ ацыдысты. Уæ зæрдыл уын æрлæууын кæндзыстæм, куыст ссарынæн баххуыс кæныны службæ æрцæттæ кодта 795 куысты бынаты. Ныртæккæ 1000 адæймагмæ ввахс семæ базонгæ сты. 400 специалисты цæттæ сты ног куысты бынæттæм æркæсынмæ. Уыдонæй 30-æй фылдæр ныридæгæн сразы сты, Уралы хæххон-металлургон компани сын цы ног куысты бынæттæ бацæттæ кодта, уыдоныл. Зæгъын хъæуы уый, æмæ «Электроцинчы» раздæры кусджытæй алкæимæ дæр хибарæй ныхас кæнынц. Анкетæтæ фыссынц, аразынц сын куысты фæдыл фембæлдытæ. Зæгъæм, хæстæгдæр рæстæг сын сараздзысты экскурси Урапы хæххон-металлургон комбинатмæ Хъæрæсе-Черкесийы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv