Цæгат Кавказы хæххон-металлургон институты уыд гом дуæртты бон

Хистæр кълæсты ахуырдзаутæн скодтой экскурси ахуыргæнæндоны корпустыл. Базонгæ сæ кодтой институты традицитимæ æмæ боны фæткимæ. Ахуыргæнджытæ сын радзырдтой студенты царды тыххæй. Ацы аз институты бюджетон бынæттæм бацæуыны фадат уыдзæн иу мин студентæй фылдæрæн. Мадзалмæ æрбацыдысты республикæйы районтæй æмæ ма суанг Кæсæг-Балхъарæй дæр. Хæххон металлургон институты студенттæ дæр уазджытимæ фембæлдысты, базонгæ сæ кодтой факультетты куыстимæ. Бакодтой сæ музеймæ, равдыстой сын хæрæндон, стæй спорткомплекс. Ис дзы 6 залы, бассейн, шахматты клуб. Абитуриенттимæ фембæлды рæстæг Хæххон-металлургон институты разамынд сын дзуæппытæ радта сæ фæрстытæн. Радзырдтой сын гæххæттытæ исыны фæткы тыххæй. Æндæр республикæтæй æмæ хъæутæй чи цæуы, уыдонæн та зæрдæ бавæрдтой æмдзæрæнæй. Фембæлды кæронбæттæн сын раарфæ кодтой æмæ сын сæ зæрдæ загъта, иумæйаг фæлварæнтæ хорз куыд радтой, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv