Фонд «Фыдыбæстæйы хъахъхъæнджытæ»-йы филиал мæйæ гыццыл къаддæрмæ райста 80 курдиаты. Сæ фылдæр баст уыдысты сæфт документтæ сног кæнынимӕ æмæ сæрдыгон-дзæбæхгæнæн кампаниимæ. Æфсæддон операцийы архайджытæн психологон æххуысы фæдыл курдиæттæ дæр арæх сты. Уымæй уæлдай ма специалисттæн сæ бон у фæкæсын «Æфсæддон цауты ветеран»-ы статус райсыны æмæ куысты бынат ссарыны хъуыддæгты. Координатортæ ацыдысты сæрмагонд ахуыртæ. Сæ размæвæрд хæстæ æххæст кæнынц уæлдай бæрнонæй.