Владимир Путин Паддзахадон Думæмæ юридикон тых снысан кæныны фæдыл бахаста сæрмагонд бадзырд

Владимир Путин Паддзахадон Думæмæ юридикон тых снысан кæныны фæдыл бахаста Уæрæсе æмæ Хуссар Ирыстоны бадзырд. Нысангонд дзы ис хуссарирыстойнæгтæн сæ бон кæй у уыцы иу рæстæг Уæрæсейы паддзахады гражданин дæр суæвын. Уæрæсейы гражданины ном райсынæн сæрмагонд фæтк фæрогдæр кодтой. Спайда кæнын дзы йæ бон у 18 азы кæуыл сæххæст, уыдонæн. 14 азы онг кæуыл цæуы, уыцы ссывæллæтты нысан кæндзысты сæ ныййарджытимæ иумæ. Дыууæ бæстæйы гражданинтæн фадат уыдзæн Уæрæсейы ахуыр кæнынæн, стæй медицинон лæггæдтæ исынæн. Æнæмæнг сæ хъæуыдзæн Уæрæсейы æфсады службæ ацæуын дæр. Уæ зæрдыл уын æрлæууын кæндзыстæм, Хуссар Ирыстоны цæрджытæн Уæрæсейы гражданин суæвынæн сæрмагонд фæтк фæрогдæр кодтой 2008-æм азæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv