Райгуырæн бæстæйы культурæимæ базонгæ уæвынӕн ӕмӕ тематикон дæсныйадæвдисæн ахуырты архайыны фадат уыд этнолагеры минæвæрттæн.  Ирон адæмæй Цæгат Ирыстоны чи нæ цæры, уыдон цалдæр боны фесты Дзæуджыхъæуы. Бельги, Турк, Казахстан, Донецкы адæмон республикæ, Гуырдзыстон, Хуссар Ирыстон, Мæскуыйы облæст, Новороссийск, Краснодары край æмæ Хъæрæсе-Черкессийы фæсивæд. Мадзал æххæст кæнынц "Æмбæстæгтимæ бастдзинад фæсарæнты æмæ гуманитарон бастдзинады райрæзты" дæлпрограммæйы фæлгæты. Æрыгон адæм бабæрæг кодтой Куырттаты ком, ахуыр кодтой ирон æвзагыл дзурын, чъиритæ цæттæ кæнын. Уымæй уæлдай ма фæсивæдæн экскурситæ аразынц горæты, историон нысаниуæгимæ бынæттыл. Зæгъæм, абон бабæрæг кодтой космонавтикæйы музей.