Цæгат Ирыстоны уырыссаг æвзагæй иумæйаг паддзахадон фæлварæн ныффыстой 3,8 мин адæймаджы

Æппæты егъаудæр иумæйаг паддзахадон фæлварæн Уæрæсейы раттой 674 мин адæймаджы. Цæгат Ирыстоны дзы архайдтой 3800 рауагъдоны. Иумæйаг паддзахадон фæлварæн уырыссаг æвзагæй æнæмæнг кæй хъæуы раттын уыцы фæлварæнты хыгъдмæ хауы. Цæмæй аттестат райсай уый тыххæй фæлварæнæй æппæты къаддæр хъæуы 24 баллы райсын. Уæлдæр ахуыргæнæндонмæ бацæуыны тыххæй та 36 баллы. Республикæйы фæлварæн раттынæн ис 24 пункты. Се `ппæт дæр ифтонггонд сты видеоцæстарды системæйæ. Фæлварæн куыд цæуы уымæ сæ хъус дарынц æхсæнадон кæсджытæ. Бафтаудзыстæм ма уый фыццаг фæлварæнты рæстæг æгас бæстæйы иумæйаг паддзахадон фæлварæнæй рарвыстой 141 архайæджы. Ныридæгæн фæлварæнтæ радтой литературæ, географи, математикæ, истори æмæ химийæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv