Битьарты Вячеслав фембæлд республикæйы цæрджытимæ

Цæгат Ирыстоны сæргълæууæг Битарты Вячеслав фембæлд республикæйы цæрджытимæ. Сæ аиуварсгæнинаг хъуыддæгтимæ республикæйы сæргълæууæгмæ æрбацыд 13 адæймаджы. Сæ фылдæры фæндыд, цæмæй сын республикæйы сæргълæууæг баххуыс кæна куыст ссарыны æмæ æнæниздзинад фæфидар кæныны хъуыддаджы. Афтæ Дзæуджыхъæуы цæрæг сылгоймагмæ æрæджы цы низ сбæрæг кодтой, уый фæдыл æй афæдз 2 хатты цæуын хъæуы Мæскуыйы дохтыртæм, фæлæ бинонтæм фæрæзтæ нæ фаг кæны, æмæ йын хъæуы баххуыс кæнын. Республикæйы сæргълæууæгмæ ма æрбацыдысты 2 æрыгон адæймаджы. Фæнды сæ хи куыстуæттæ байгом кæнын. Мызуры цæрæг радзырдта, фысымуат байгом кæныны хъæппæрис æм кæй ис, уый тыххæй. Црауы цæрæг амалхъом адæймаджы та фæнды хъæдæрмæджы куыстгæнæн цех фæуæрæхдæр кæнын. Æркастысты ма æндæр аиуварсгæнинаг хъуыддæгтæм. Адæмы курдиæтты управленийы хицау Æлдаттаты Иринæйæн бахæс кодтой, алы хъуыддаджы фæдыл хаст куыд æрцæуа уынаффæ æмæ сæ хатдзæгты тыххæй фехъусын кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv