раздзог

Цæгат Ирыстоны кусынц æххуысцух адæмæн сæ уавæртæ фæхуыздæр кæныныл. Уый тыххæй бацæттæ кодтой сæрмагонд проект. Йæ саразыны хъæппæрис разынд Уæрæсæйы хицауадмæ, ныртæккæ кусы нæ бæстæйы 8 регионы. Нæ республикæ дæр уыдоны 'хсæн. Проекты æххæстгæнджытæ куыд æмбарын кæнынц, афтæмæй уыцы хъуыыдйы сæйраг нысан у - цæмæй сæрмагондæй регионы æххуысцух адæмы нымæц фæкъаддæр уа. Уымæн та конд ис бирæ фадæттæ. Ныридæгæн нæ республикæйы ацы программæйыл кусын райдыдтой. Раздзоджы цæры 500 адæймагмæ ввахс. Æдæппæтæй сты 137 хæдзары. Хъæуы цæрджыты ныхæстæм гæсгæ, сæ царды уавæртæ сты хуыздæр хъуаг. Куысты бынæттæ дзы нæй, зæгъынц цæрджытæ, æмæ адæм сæ фылдæр лидзынц горæтмæ. Зæгъæн ис, æмæ хъæу сындæггай заууат уавæрмæ цæуы. Фæлæ уый ма бауадзыны тыххæй, дзы фæстаг рæстæг ивддзинæдтæ цæуын райдыдой. Цæрджытæ дæр сæ бафиппайдтой. Хъæуæн фæзынд фадат сæ уавæртæ фæхуыздæр кæнынмæ. Ныр, фæллой æмæ социалон рæзты министарды федералон программæйы фæрцы цæрджытæн радтой стурвос. Ацы федералон программæ, нæ республикæйы хъæууон-хæдзарады министард, фæллой æмæ социалон рæзты министрадимæ æмгуыст кæнгæйæ, ныртæккæ æххæст кæнынц Раздзожы хъæуы. Программæмæ гæсгæ, цы фос байуæрстой, уый хъуамæ хæдзары хицæуттæ 5 азы дарой. Уыдонæй цы родтæ рацæуа, уыдон баззайдзысты бинонтæн, урсаджы продукци дæр уыдзæн сæхи пайдайæн. Уыцы хъуыддаг цæрджытæн æхсызгон у. Хъæуы хицауы ныхæстæм гæсгæ, ныр Раздзоджы уавæр хъуамæ дзæвгар фæхуыздæр уа. Дзодзиаты Чермен куыд бафиппайдта, афтæмæй хъуыддаг æцæгдæр хорзы 'рдæм аивта. Ныртæккæ хъæуы цæрджытæй фæкæсынцух чи у, уыдонæн фадат ис фосмæ зилын æмæ фидæны æхсыры продукцийы райрæзтыл бацархайын. Федералон программæйы ма фыст уыд, адæмæн кæй у сæ бон фыстæ райсын, хъæрмуæттæ, кæнæ та хуыйæн машинæтæ. Раздзоджы фæкæсынцух бинонтæ равзæрстой фос, уый сын бирæ пайдадæр у. Ахæм хъуыдыйыл хæст у Мсойты Лидæ дæр. Уымæ раздæр бирæ фос уыди, фæлæ йын карз низы ныхмæ нæ бабыхсыдысты. Фос равзæрста Теблойты Римæ дæр. Уый кусы сыхаг хъæуы. Йæ мызд у чысыл. Йæ бинойнагæн - йе*нæниздзинад хъыгдæрд. Æрвылбон йæ райсом райдайы хæдзары куыстытæй. Зындзинæдтæ йæ никуы баурæдтой, фæлæ йæ уæддæр уырны, хъæуы цард ныр хуыздæры ‘рдæм кæй аивдзæн, уый. Раздзоджы ма баззад æртæ хæдзары, ныридæгæн фосмæ чи æнхъæлмæ кæсы, ахæмтæ. Уыдон сæ тагъд рæстæджы райсдзысты. Хъæуы цæрджытæ цæттæ сты ивддзинæдтæм, рагæй сæм æнхъæлмæ кастысты. Уимæ сын зæрдæ бавæрдтой, сæ продукци кæдæм радтой, уый тыххæй дæр. Цыбыр рæстæджы æмгъуыдмæ сыхаг хъæуы хъуамæ фæзына урсаджы продкуцийы ног куыстутат. Ныридæгæн Заманхъулы кæронмæ æрхæццæ кæнынц арæзтадон куыстытæ. Карсанаты Мураты дзæгъæлы нæ бафæндыд Заманхъулы ацы куыстуат скæнын. Йæ ныхæстæм гæсгæ, кæд ныртæккæ цыхт бирæ рæтты уæй кæныц, уæддæр хорз хъæрзхъæд продукци алы ран не ‘ссардзынæ. Мурат фæнд кæны æхсыр, цыхт, кефир æмæ йогурты продукци уадзын. Уыимæ ма Карсанаты Мурат куыд бамбарын кодта, афтæмæй фæнд кæны комкоммæ бастдзинады фæрцы адæмæн йæ организацийы фæллойгæджыты куыст равдисын. Ома кæй фæнды, уый фендзæн цавæр уавæрты уадзынц сæ продукци, уый. Ныридæгæн сæхи ифтонг кæнынц хъæугæ кусæнгæрзтæй. Иу мæйы фæстæ та радайдзысты цæрджытæй урсаджы продукци æлхæнын. Уый та сыхаг хъæутæ æмæ районтæн пайда у. Уæдæ Раздзоджы цæрджытæн дæр фадат уыдзæн сæ æхсыр ацы куыстуатмæ дæттын. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv