«Уалдзыгон æнкъарæнтæ»

Никас Сафронов Цæгат Ирыстоны паддзахадон университеты æмæ аивадон училищейы студенттæн сарæзта дæсныйад æвдисæн ахуыртæ. Мадзал цыдис национ наукон чиныгдоны. Уæ зæрдыл уын æрлæууын кæндзыстæм, нывгæнæджы равдыст Дзæуджыхъæуы байгом 4-æм апрелы. Фенæн æй уыдзæн 12-æм маймæ. Экспозици «Уалдзыгон æнкъарæнтæ»-мæ бахастой нывгæнæджы 100 куысты. Куыстытæ конд сты алыхуызон жанрты. Алы ныв дæр авторæн æвдисы йæхи сæрмагонд куысты хуыз. Раздæр равдыст фенæн уыдис Петербурджы. Никас Сафронов у Уæрæсейы зынгонд нывгæнæг, уæрæсейы аивадон академийы академик, Дагестаны республикæйы адæмон нывгæнæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv