Мадæлон капиталы æрвылмæйон фиддонтæ сырæздзысты ног аз

1-æм январæй фæстæмæ æхцайы фæрæзтæ исдзысты уыцы бинонтæ, фæцæрыны æппынкъаддæры бæрцæй сæ æфтиæгтæ дыууæ хатты фылдæр кæмæн не’ сты, уыдон. Уыимæ ма кусынхъом чи у, ахæмтæ. Ныртæккæйы домæнтæм гæсгæ та æфтиæгты бæрц хъуамæ 1 æмæ ’рдæг хатты фылдæр ма уа. Уый тыххæй хъусын кæны Цæгат Ирыстоны Пенсион Фонд. Йæ тыхы ма бацæудзæн иннæ ногдзинад дæр: 2020-æм азæй æмбæлгæ фиддонтæ бинонтæн дæтдзысты, сæ дыккаг сывæллоныл 3 азы цалынмæ нæ сæххæст уа уæдмæ. Ныртæккæ фиддонтæ фæвæййынц фыст, сывæллоныл иу аз æмæ ’рдæг куы сæххæст уа, уæд. Мадæлон капиталы фиддонтæ Цæгат Ирыстоны исынц 331 бинонтæ. Фиддоны бæрц у 9 мины æмæ 520 сомы. Æмткæй райсгæйæ, Пенсион фонд баххæст кодта фиддонтæ 27 милуан сомæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv