Қожа Ахмет Яссауи кесенесінде жерленген хандар мен би-сұлтандар туралы деректі фильм.

Түркістан – күллі түркі халықтарына ортақ, әлемге әйгілі қасиетті де киелі мекен.Еуропалықтар көз тіккен "Ұлы жібек жолының" ортасындағы ең үлкен қала. Сонымен қатар, Қазақ хандығының және басқада сұлтандықтар мен хандықтардың астанасы болған орда жұрты. Атақты Әмір Темірдің пәрменімен салынған Қожа Ахмет Яссауи кесенесінде тегі түркі, сүті қазақ діни ғұламалар мен әулие - әнбиелер, хандар мен билер, батырлар мен ақындар, атап айтқанда, халық үшін өзін арнаған тұлғалар жерлеген үлкен қабірстан (пантеон). Бір жағынан сол бабалардың ғақлиялы өмірі мен ұлағатты іздерін ұрпақтарға жеткізетін идеологиялық ілім ордасы іспетті.