Кæронмæ фæци программæ «Хистæр фæлтæр» ы дыккаг къæпхæн

14-æм декабры кæронмæ фæци программæ «Хистæр фæлтæр»-ы  дыккаг къæпхæн. Пенсимæ рацæуынмæ чи фæнд кодта, уыдонæн дзы фадат уыд дæсныйад æвдисæн ахуыртæ ацæуын. Сарæзтой сæ Цæгат Ирыстоны цалдæр ахуыргæнæндоны: Дзæуджыхъæуы разамындæттæг институты, Мæздæджы районы, Цæгат Кавказы аграрон-технологон колледжы, Елхотты бирæвæрсыг æмæ Дзæуджыхъæуы электроникæйы колледжты. Ахуыртæ ацæуыны фадат уыд 17 дæсныйадтæм гæсгæ. Уый дын чъиритæ фыцын, модæйы технологи, графикон дизайн, æндадзæг æмæ æндæр дæсныйæдтæй. Ахуыртæ сарæзтой, дунеон стандартты домæнтæн дзуапп чи дæттыц, ахæм хуызы. Ахуыртæн рахай кодтой 252 сахаты.  «Ахуыргæнæджы уæлæмхасæн квалификаци», «Уæлæмхасæн ахуырады педагог» æмæ «Скъолайы агъоммæ ахуырады» 32 специалистæн абон радтой дипломтæ. Уæ зæрдыл уын æрлæууын кæндзыстæм, уæлæмхасæн ахуырад æмæ йæ фæстæ ног куысты бынат ссарыны гæнæнтæ, пенсимæ рацæуын чи хъавы, уыдонæн скодтой национ проект «Демография»-йы фæлгæты цы программæ æххæст кæнынц, «Хистæр фæлтæр», зæгъгæ, уый руаджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv