Экстремизмы ныхмæ тох кæныны центр байгом кæндзысты Цæгат Ирыстоны

Экстремизмы ныхмæ тох кæныны центр байгом кæндзысты Цæгат Ирыстоны. Архайдзысты дзы минæвæрттæ нæ республикæйы æппæт уæлдæр ахуыргæнæндæттæй. Ахæм центр Цæгат Кавказы уыдзæн 3-аг. Æнтыстджынæй кусынц Дагестан æмæ Стъараполы крайы. Дины æмæ этникон экстремизмы ныхмæ тох кæныны центр фæнд кæнынц Цæгат Ирыстоны паддзахадон университеты бындурыл байгом кæнын. Йæ ректор Огъуаты Алан куыд фæбæрæг кодта, афтæмæй центр йæ куыст хуыздæр кæндзæн, ахуырадон æмæ наукæйы къабазы кусджытæ иумæ куы æрбангом уой, уæд. Уыимæ ма хъæуы фæсивæды дæр сразæнгард кæнын, цæмæй уыдон дæр се`ргом ацы фарстамæ аздахой. Центры сæйраг хæс уыдзæн экстремизмы ныхмæ тох кæныны мадзæлттæ æххæст кæнын. Стæй, ахуырады къабазы, рухстауæн, аналитикон æмæ культурон хъæппæристæ æвзарын. Сараздзысты дзы сæрмагонд программæтæ æххæсткæныны системæ дæр._ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv