Дзæуджыхъæуы аэропорт иронау сдзырдта

Дзæуджыхъæуы аэропорт иронау сдзырдта. Ирон æвзаджы бон аэропорт æмæ фыццæгæм автовокзалы æппæт хъусынгæнинæгтæ дæр æрмæст уырыссагау нæ, фæлæ ма иронау дæр дзырдтой. Нæ республикæйы промышленность æмæ транспорты министрады куыд фехъусын кодтой, афтæмæй кæд ацы акци адæмы зæрдæмæ фæцæуа, уæд, гæнæн ис, æмæ Дзæуджыхъæуы аэропорты хъусынгæнинæгтæ иронау æппынæдзух дзурдзысты. Уæ зæрдыл уын æрлæууын кæндзыстæм, Ирон æвзаг æмæ литературæйы боны райдыдтой æмбал кæмæн нæй ахæм проекттæ. Сæ сæйраг хæс у æхсæнады цæстæнгас мадæлон æвзаг бахъахъхъæныны фарстамæ раздахын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv