Цæстдарæн уадзæн пункт Уæллаг Ларсы ныр фæзындзæн Арменийы минæварад

Цæстдарæн-уадзæн пункт Уæллаг Ларсы ныр фæзындзæн Арменийы минæварад. Уый тыххæй пресс-конференцийы фехъусын кодта Арменийы паддзахадон æфтиæгты комитеты сæрдар Давид Ананян. Сомихы минæвар æвæстиатæй кусдзæн Уæрæсе æмæ Гуырдзыстоны ’хсæн арæн посты райхалинаг фарстатыл. Ныхас цæуы, Сомихмæ цæугæйæ цы уæззау хæдтулгæтæ ныффæстиат вæййынц, уыдоныл. Шофырты къуылымпыдзинæдтæ аиуварс кæнынæн минæварад хъуамæ уа ахъаз. Уый тыххæй ивгъуыд азы ныхас кодта паддзахадон Думæйы депутат Тайсауты Хъазыбег сомихæй ссæугæ депутаттимæ. Сомихы минæвар, гæнæ ис, æмæ кусын райдайа дыууæ къуырийы фæстæ. Бафтаудзыстæм ма уый, æмæ Арвыком у, Уæрæсе Армениимæ чи бæтты, иунæг ахæм фæндаг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv