Депутатты цæстæнгас

Ипотекæйы ист кредитты рапарахат кæнын æмæ республикæйы æрыгон бинонтæн хæдзæрттæ балхæнынæн баххуыс кæныны тыххæй республикæйы фидаргонд æрцыд ног закъоны проект. Ныр хæдзар æлхæнгæйæ адæймагæн фыццаг фыстæн дæтдзысты субсидитæ, æххуысхъуаг адæмæн та сæ фиддонты процентты бæрц фæстæмæ фиддзысты. Ног закъоны проект балæвæрдтой фракци «Иугонд Уæрæсейы» уæнгтæ. Бацæттæ йæ кодтой Битарты Вячеславы уынаффæмæ гæсгæ. Цæгат Ирыстоны парламенты советы уæнгтæ йыл иууылдæр схъæлæс кодтой. Алексей Мачневы разамындæй парламенты æмбырды ма абон æрдзырдтой биоэтанол уадзыны домæнтыл æмæ уый тыххæй закъоны проектыл. Стæй биоэтанол уадзынæн цавæр кусæнгæрзтæ хъуамæ уой æмæ йæ уадзынæн цавæр хомаг хъæуы, уый тыххæй домæнтæ. Алексей Мачневы ныхæстæм гæсгæ, ацы закъоны проектыл Уæрæсейы æмæ Цæгат Ирыстоны хицауад иумæ бакуыстой. Æрдзырдтой Америкæйы санкцитæн дзуаппыл. Уæрæсейы хицауад хъавы Америкæйы æмæ æндæр бæстæты конд хъæууон хæдзарады, карз нозты æмæ тамакойы продукци нæ бæстæмæ ласын ма уадзын. Æдæппæтæй абон депутаттæ æркастысты 70 республикон æмæ федералон закъоны проекттæм. Уымæй уæлдай ма сбæлвырд кодтой радон Пленарон æмбырды боны фæтк. Уыдзæн 25 апрелы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv