Мæргъты бон

«Мæргъты æппæтадæмон бон» сбæрæг кодтой Дзæуджыхъæуы. Ацы бæрæгбонмæ бирæ адæм фæбæллынц. Экологтæн та сæ у сæйраг бæрæгбæттæй иу. Йæ нысан у мæргъты хуызты хъæздыгдзинад бахъахъхъæнын, кусын, цæмæй ма фесафой, ууыл. Кадджын мадзалмæ æрбацыд 300 скъоладзауæй фылдæр. Бацæттæ кодтой нывæфтыдты равдыст, радзырдтой сæ уарзондæр мæргъты æмæ цæрæгойты тыххæй. Аразджытæ сарæзтой конкурстæ дæр. Скъоладзаутæ равдыстой сæ зонындзинæдтæ. Хуыздæртæн балæвар кæндзысты зæрдылдарæн лæвæрттæ. Уыдонæй иу тутицъиу, спортивон дзаумæттæ æмæ хызынтæ. Бафтаудзыстæм ма уый, æмæ ацы бон æрвылазон кæй у. Бæрæг æй кæнынц 1-æм апрелы. Фæлæ боныхъæд æвзæр кæй уыд, уымæ гæсгæ йæ ацы хатт фæстæдæрмæ аргъæвтой. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv