Цæгат Ирыстоны сараздзысты фæллой æмæ хъахъхъæнынмæ цæттæдзинад сбæрæг кæныны центртæ

Цæгат Ирыстоны Дыгуры æмæ Кировы районты ацы аз сараздзысты фæллой æмæ хъахъхъæнынмæ цæттæдзинад сбæрæг кæныны центртæ. Уый къухы бафтыд программæ «Спорт-норма жизни», стæй национ проект «Демография»-йы фæлгæты. Уый тыххæй фехъусын кодтой нæ республикæйы спорты министрадæй. Центры сараздзысты футболон фæзтæ, дугъ кæнынæн фæндæгтæ. Сæвæрдзысты дзы æппæт хъæугæ спортивон кусæнгæрзтæ дæр. Национ проектмæ гæсгæ ма, ацы аз фæнд кæнынц саразын сывæллæттæн 14 спортивон - дзæбæхгæнæн фæзы. Сæ фæзуат уыдзæн 800 квадратон метры. Ног фæзтæ фæзындзысты Хуымæллæджы, Веселæйы æмæ Предгорнæйы хъæуты, Камбилеевкæ, Мичурин, Хъахъхъæдур æмæ Црауы. Стæй ма Змейкæ, Алагир æмæ Æрыдоны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv