Спортивон акци

Цæгат Ирыстоны адæмон фронты активисттæ сарæзтой спортивон акци, Олимпаг хъæзтытæм кæй нæ ауагътой, уыдоны фарсмæ балæууынæн. Бамбарын сын кодтой, се `мбæстæгтæ зæрдæйæ семæ кæй сты, уый. Дæсныйад æвдисæн урок æмæ дзæбæхгæнæн зарядкæ ацыд уæнгрог æмæ хъæлдзæгæй. Æрбахуыдтой профессионалон спортсменты. Уæззау атлетикæйæ дунейы чемпионтæ Æлбегаты Руслан æмæ Цæрукъаты Светланæ зæрдиагæй балæвар кодтой сæ фæлтæрддзинад æвзонг спортсментæн. Студенттæ дæр зындгонд спорсментæм цымыдисæй хъуыстой. Мадзал ацыд æппæтуæрæсеон акци «Спорты къуыри»-йы фæлгæты. Уæ зæрдыл уын лæууын кæнæм, Олимпаг хъæзтытæй уæрæсейаг спортсментæй бирæты кæй фæиппæрд кодтой, уый. Чи ацыд, уыдонæн та тырыса сисыны бар дæр нæй. Цæмæй сæ зæрдæтæ бынтон ма ныммæгуыр уой, уыйтыххæй сарæзтой ацы акци дæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv