Дзæуджыхъæуы фæсивæды галуаны цæуы æркаст «Ирон фæндыр»

Дзæуджыхъæуы фæсивæды галуаны ацыд æркаст «Ирон фæндыр». Архайдтой дзы рæвдауæндæтты хъомылгæнинæгтæ æмæ скъоладзаутæ. Æдæппæттæй 150 адæймагæй фылдæр. Мадзалы сæйраг нысан у цæмæй рæзгæ фæлтæр æнувыд уа райгуырæн бæстæйыл, сæйрагдæр та уарзой æмæ дзурой мадæлон æвзагыл. Архайджытæ бакастысты Хетæгкаты Къостайы æмдзæвгæтæ: «Марходарæг», «Сидзæргæс», «Всати», «Цъиу æмæ сывæллæттæ». Фæлæ фылдæр бакастысты Къостайы æппæты зындгонддæр æмдзæвгæ «Æрра фыййау». Уæлахиздзауты схорзæхджын кодтой кады гæххæттæй, зæрдылдарæн лæвæрттæй æмæ æхцайы премитæй. Ацы æркаст йæ нымæцмæ гæсгæ цæуы 4-æм хатт. Йæ архайджыты нымæц азæй-азмæ рæзы. Йæ аразджытæ сты Дзæуджыхъæуы фæсивæды галуаны разамынд, фæсивæды хъуыддæгты фæдыл комитеты æххуысæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv