2 миллиард сомæй фылдæр рахай кæндзысты Дзæуджыхъæуæй Мæздæгмæ фæндаг саразынæн

2 миллиард сомæй фылдæр рахай кæндзысты, Цæгат Ирыстоны дæрддзæф районмæ цы фæндаг аразынц, уымæн. Нæ республикæйы хицауады уæнгтæ снысан кодтой цалцæггæнинаг куыстытæ фæуын 2020-æм азы кæронмæ. Фæндаг Хурыхъæу - Малгобек - Мæздæг хъуамæ нæ республикæ бабæтта æппæты дарддæр районимæ. Арæзтадон куыстытæ конд цæудзысты магистралон инфраструктурæ æмæ модернизацийы пъланы фæлгæты. Проектмæ гæсгæ, фæндаджы дæргъ уыдзæн 57 милометрæй фылдæр. Æдæппæтæй 2 миллиард æмæ 17 милуан сомæй, 2 миллиарды бæрц рахай кодтой федералон бюджетæй 2019-2020-æм азтæн. Ныртæккæ Дзæуджыхъæу æмæ Мæздæджы район бæтты, Кæсæг-Балхъары уылты цы фæндаг цæуы, уый. Ома, нæ горæтæй Мæздæгмæ хъæуы 2 сахаты цæуын. Ног фæндаджы арæзтадон куыстытæ кæронмæ куы фæуой, уæд къаддæр рæстæг хъæудзæн хардз кæнын. Августы, Цæгат Ирыстоны фæндаггон хæдзарады комитеты сæрдар Солиты Тариель журналисттæн куыд фехъусын кодта, афтæмæй арæзтадон куыстытæ фæуыдзысты 2020-æм азы, декабры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv