9-æм майы бæрæгбонмæ арæзт мысæн мадзæлттыл ныхас

Ацы аз «Æнæмæлгæ полк»-ы цыд нæ уыдзæн. Традицион акци нæ ацæудзæн æдасдзинады домæнтæм гæсгæ. Фæлæ цæрджытæн ис æндæр гæнæнтæ хъæбатырты ном ссарынæн. Се 'хсæн «Георгиевская лента», зæгъгæ, акци «Окна Победы», «Флаг Победы», «Автопробег Бессмертного полка», «Вальс Победы» æмæ æндæр ног хъæппæристæ. Паддзахадон æмæ хи организациты кусджытæн фадат ис ветеранты портреттæ «Номарæн къулыл» равæрын, бафыссын сын сæ хъæбатырдзинады тыххæй цаутæ. Уымæй уæлдай ма скъолаты, рæвдауæндæтты, культурæйы хæдзæртты саразæн ис тематикон мадзæлттæ «Æнæмæлгæ полк»-ы фæлгæты, æхсæнадон бынæтты, паркты, фæзты та расидæн ис акци «Мысæн галерейтæ». Ныхас ма цыд «Посмотри на их лица» акцийыл дæр. Сергей Меняйло фæнысан кодта, Цæгат Ирыстон у уинæг субъект - æппæт рекламон фæйнæджытыл дæр Фыдыбæстæйы Стыр хæсты ветеранты къамтæ кæм равæрынц. Уæ зæрдыл уын æрлæууын кæндзыстæм, курдиæттæ бирæ кæй уыдысты, уымæ гæсгæ фыццаг бон кусджытæ фаг нæ кодтой. Адæмы бахъуыд рады лæууын. Сæргълæууæг бахæс кодта, цæмæй ма уæлæмхасæн пункттæ байгом кæной.