Цæгат Ирыстонæн рахай кодтой 97 милуан сомы туаггуыры 3 станцæйы саразынæн

Цæгат Ирыстонæн рахай кодтой 97 милуан сомы туаггуыры 3 станцæйы саразынæн. Уый тыххæй оперативон штабы æмбырды фехъусын кодта республикæйы Æнæниздзинад хъахъхъæнынады министры хæстæ рæстæгмæ æххæстгæнæг Тебиаты Сослан. Куыд фæнысан кодта, афтæмæй ныр алы рынчындоны бындурыл дæр уыдзæн хицæн станцæ — æдæппæтæй цыппар. Уымæй уæлдай, республикæ тагъд рæстæджы æнхъæлмæ кæсы туаггуыр ласынӕн 2 сæрмагонд хæдтулгæмæ. Иу хæдтулгæйы резервуары дзы цæуы 16 тоннæйы туаггуыр. Фæлхасгæнджытæм цæстдарды управленийы бæрæггæнæнтæм гæсгæ, эпидемиологон уавæр нæ хуызæр кæны. Уый фæдыл бахастой фæндон, цæмæй 8-æмæй 14-æм ноябрмæ скъолатæ, астæуккаг æмæ уæлдæр ахуыргæнæндæтты дистанцион ахуыр адарддæр кæной. Цæрджытæй 60 азæй фылдæр кæуыл цæуы, кæнæ æппынæдзух низджын чи у, уыдоны дæр раивын дистацион куысты фæткмæ. Вакцинаци кæнынвæнд кӕмӕ уа, уымæн раттдзысты 2 æнæкусгæ боны, мызд бахъахъхъæнгæйæ. Республикæйы сæргълæууæг куыд фæнысан кодта, афтæмæй ныртæккæ поликлиникæты терапевттæ рынчынты нымæцыл не 'ххæссынц. Уымæ гæсгæ бабар кодта дохтырты нымæц фæфылдæр кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv