Дзæуджыхъæумæ ссыд актер, кинорежиссер Георгий Дронов

Дзæуджыхъæумæ ссыд актер, кинорежиссер Георгий Дронов. Уый адæмæн йæхи бауарзын кодта сериалтæ «Воронины», «Пляж» æмæ æндæрты. Киноуарзджытæ йын стыр аргъ скодтой киноныв «Ночной дозор»-ы дæр. Цæгат Ирыстонмæ Георгий Дроновы фæхуыдта режиссер Хъæрджынты Изабеллæ. Уый ахъаздзæн ног спектаклы. Йæ премьерæ уыдзæн мартъийы Вахтанговы номыл уырыссаг академион театры. Репитицитæ райдайдзысты хæстæгдæр рæстæг. Актер Дзæуджыхъæуы фæуыдзæн 10 боны. Георгий Дронов, актёр: «Зæрдæ дарæм премьерæмæ нæм бирæ адæм кæй æрбацæудзæн, ууыл. Цымыдисаг равдыст цæттæ кæнæм театрдзаутæн. Уыдонæн фадат уыдзæн актертимæ иумæ катай кæнын. Театрдзаутæ сценæйыл цы цаутæ цæуой, уыдон æнæмæнг федтой æрвылбоны царды дæр. Нæ тыхтæ нæ бавгъау кæндзыстæм, цæмæй адæмы зæрдæмæ фæцæуа нæ куыст». Хъæрджынты Изабеллæ, режиссёр: «Æз фыццаджыдæр хъуамæ мæхицæн снысан кæнон, уæдæ мын мæ хъуыдыдтæ кæцы артист сæххæст кæндзæн, зæгъгæ. Ныртæккæйы спектаклы мæм афтæ кæсы, цыма Георгий Дроновæй ацы ролимæ ничи сарæхсдзæн. Уый раргом кæндзæн йæ миддуне. Нæлгоймаджы митæй дæр цух нæу». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv