2018 æм азы мундиаль фæци

2018-æм азы мундиаль фæци. Фæсарæйнаг футболуарзджытæ куыд зæгъынц, афтæмæй дунеон чемпионат футболæй, иннæтимæ, абаргæйæ, Уæрæсейы æппæтæй хуыздæр арæзт уыд.  Знон Мæскуыйы стадион Лужникийы Францийы иугонд командæ фæуæлахиз Хорватийы командæйыл 4:2 хыгъдимæ. Афтæмæй, Франци сæ бæстæйы историйы дыккаг хатт сси дунеон чемпион футболæй. Французæгтæ мундиалы фыццаг хатт рамбылдтой 1998-æм азы. Уæ зæрдыл уын æрлæууын кæндзыстæм, Уæрæсейы иугонд командæ бахæццæ чемпионаты финалы цыппæрæм хаймæ. Черчесты Станиславы командæйы архайдæн стыр аргъ скодтой дунейы раззагдæр футболон эксперттæ. Фæсарæйнаг журналисттæ дæр нæ футболисттæй раппæлыдысты. Уый та не мзæххон, Уæрæсейы командæйы сæйраг тренер Черчесты Станиславы руаджы. Йе руаджы фæстаг 50 азмæ нæ футболисттæ фыццаг хатт равдыстой сæхи афтæ æнтыстджынæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv