Муса Джалилы мысæн изæр ацыд Дзæуджыхъæуы 11 æм скъолайы

Поэт, журналист, æфсæддон корреспондент Муса Джалилы мысæн изæр ацыд Дзæуджыхъæуы 11-æм скъолайы. Йæ фыццаг уац мыхуыргонд æрцыд 1919 азы, йæ фыццаг æмбырдгонд та - 1925 азы «Мы идем», зæгъгæ. Фыдыбæстæйы Стыр хæсты райдайæны агъоммæ рухс федтой йæ 10 æмбырдгонды. Муса æрмæст партион куыст нæ кодта, фæлæ ма сывæллæттæн дæр фыста пьесæтæ, зарджытæ, поэмæтæ, публицистикон уацтæ. Ныффыста сæдæ æмдзæвгæйæ фылдæр, ныры рæстæгмæ дзы зындгонд сты 115 æмдзæвгæйы. Йæ поэтикон сфæлдыстады тæмæны ныффыста цикл «Моабитская тетрадь», зæгъгæ. Хæрзæрыгонæй хæсты азары бахаугæйæ, Муса йе сфæлдыстадон куыст нæ ныууагъта, æмæ, йæхæдæг æвдисæн цы хæстон нывтæн сси, уыдоны тыххæй фыста. Хæсты рæстæг ын рухс федтой æмдзæвгæтæ «Каска», «Четыре цветка», «Азимут» æмæ æндæртæ. Ахæм мысæн мадзал 11-æм скъолайы ахуыргæнджытæ æмæ ахуырдзаутæ фыццаг хатт нæ аразынц. Сæйраг уроктæй уæлдай ма ахуыргæнджытæ кусынц скъоладзауты патриотон хъомыладыл, хъуыстгонд адæмы сфæлдыстадимæ сæ зонгæ кæнынц. Дзеранты Æхсарбеджы ныхасмæ гæсгæ, ахæм куыст у тынг ахсджиаг.  Нурислам Галимов, Г.Тукайы номыл тæтæйраг национ-культурон æхсæнады сæрдар: «Æз байхъуыстон Муса Джалилы æмдзæвгæтæм, æмæ бамбæрстон, алы хатт дæр сæм куы фæхъусын, куы сæ фæкæсын, уæд зæрдæ тынгæй-тынгдæр йе `мдзæвгæтæй фæагайы. Æз бузныг зæгъын 11-æм скъолайæн, ахæм ахсджиаг мадзал кæй сарæзтой. Ацы аз, фыццаджыдæр, баиу кодта Фыдыбæстæйы Стыр хæсты 75 азы юбилей, дыккаджы та, райдыдтой Муса Джалилы номыл кæсджыты изæртæ Ацы аз æппæт Уæрæсейы дæр цæудзысты ацы æркастытæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv