Дзæуджыхъæуы 1 æм музыкалон скъолайы цæуы конкурс «Наши надежды»

Регионты ’хсæн цы конкурс саразынц «Наши Надежды», зæгъгæ, уый ныр 18-æм хатт гом кæны нæ республикæйы Петр Чайковский номыл 1-æм музыкалон скъолайы дуæрттæ. Уый фæдыл нæ горæтмæ саккаг кодтой бирæ уазджытæ. 205 чысыл архайæгæй фылдæр æмæ бирæ алыхуызон номинацитæ. 205 архайæджы алыхуызон цымыдисаг номинациты сæ арæхстдзинад æвдисынц 18-æм музыкалон конкурс «Наши Надежды»-йы. 7, 10 æмæ 12 аздзыд сабитæ зæрдæрухсæй гом кæнынц нæ республикæйы Петр Чайковскийы номыл муыкалон скъолайы дуæрттæ. Сывæллæттыл бæрнон хæс æвæрд ис. Хъуамæ конкурсы сæ курдиат иттæг хорзæй равдисой. 18-æм хатт цы конкурс цæуы, «Наши Надежды», зæгъгæ, уый фæзынд Петр Чайковскийы номыл 1-æм скъолайы директор Къарджиаты Фатимæйы хъæппæрисæй. Уæд ацы конкурс хуынди «Звездочка Осетии»-зæгъгæ. 2008 азмæ дзы уыди æрмæстддæр иу номинаци - фортепиано. Чысыл фæстæдæр та дзы фæзындысты æндæр номинацитæ дæр. Кодзаты Заремæ, Дзæуджыхъæуы Чайковскийы номыл 1-æм музыкалон скъолайы директор: «Абон махмæ цы конкурс ис, уый махæн бæрæгбоны хуызæн у. Æрбамбырд нæм сты бирæ адæм алы рæттæй. Ацы аз конкурс сбастам не скъолайы 85 азы юбилеимæ. Азæй азмæ архайджытæ фылдæрæй фылдæр кæнынц». Ацы конкурс сæрмагондæй нысангонд конд у сабитæн. Стыр ахъаз у сæ хъомыладæн. Ахæм хъуыдыйыл хæст у Цæгат Ирыстоны композиторты цæдисы сæрдар, нæ республикæйы филармонийы аивадон разамонæг, Уæрæсейы аивæдты сгуыхт архайæг Махъоты Ацæмæз. Конкурсы уазджытæн æхсызгон уыд фехъусын Махъоты Ацæмæзы чысыл гимн. Уый йæ ныффыста сæрмагондæй сабитæн. Азарыдысты йæ музыкалон скъолайы ахуыргæнинæгтæ. Номинацитæ фылдæрæй фылдæр кодтой. Уыимæ ма сæм бафтыдысты адæмон инструменттæ, аккордеон, баян, фæндыр, гитарæ, домрæ æмæ балалайка дæр. 2020 аз та ма архайджыты 'хсæн фæзындысты зарæггæнджыты дæр. Уæдæ архайджыты нымæц дæр къаддæр нæ кæны. Зæгъæм, абон ардæм æрбацыдысты Грознайæ. Уæдæ конкурсы аразджытæ дæр ам. Дзæуджыхъæуы культурæйы управленийы разамонæг Мæрзойты Руслан, нæ горæты музыкалон скъолайы ахуырадон куысты директоры хæдивæг Ольга Лапкина, нæ республикæйы культурæйы сгуыхт кусджытæ Хосаты Анжелæ æмæ Марина Березанская. Конкурсы хаддзæгтæ цыбыр рæстæгмæ бæрæг уыдзысты, программæйы кæронбæттæн та йын кæндзысты 22 февралы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv