Цæгат Ирыстоны уыд рейд "Автобус"

Цæгат Ирыстоны паддзахадон автоинспекци æмæ транспортмæ цæстарды службæйы кусджытæ сарæзтой радон рейд "Автобус", зæгъгæ. Бæрæг кодтой адæмы чи ласы, уыцы шофыртæ фæндаггон домæнтæ куыд æххæст кæнынц, уый. Уæлдай цæстдард аздæхтой хæдтулгæты техникон цæттæдзинадмæ. Паддзахадон Автоинспекцийы кусджытæ шофыртæн иу хат ма сæ зæрдыл æрлæууын кодтой, цы адæмы ласынц уыдоныл куыд хъуыды кæной, æмæ фæндаггон домæнтæ æнæмæнг раст куыд æххæст кæной. Уымæй уæлдай ма, сын фехъусын кодтой, ныртæккæ телефонтæй æмæ итернеты цæстфæлдахæн митæ кæй сарæх сты, уый. Фæсидтысты цæмæй къæрцхъусдæр уой æмæ сайды ма бацæуой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv