Сергей Меняйло Цæгат Ирыстоны наукон æхсæнадæн арфæ ракодта наукæйы боны фæдыл

Сергей Меняйло архайдта Уæрæсейы наукæты академийы дзæуджыхъæуккаг наукон центры иугонд ахуыргонд советы кадджын æмбырды. Мадзал сбастой Уæрæсейы наукæйы бон æмæ Уæрæсейы наукæты академийы 300 азимæ. Сергей Меняйло куыд бафиппайдта йæ раныхасы, афтæмæй ныртæккæ нæ бæстæйы размæ цы экономикон цæлхдуртæ æвæрынц, уыдон хъуамæ уæлдай тынгдæр рæзын кæной наукæ. Республикæйы сæргълæууæг арфæ ракодта къабазы ветерантæ æмæ ахуыргæндтæн, стæй наукон-иртасæн куысты хорз хатдзæгтæ чи равдыста, уыдоны схорзæхджын кодта арфæйы фыстæджытæй. Се 'хсæн географион наукæты кандидат Бурдзиуты Ольгæ, медицинон наукæты кандидат Дзампаты Жаннæ, физикон-математикон наукæты кандидат Къусраты Зæлинæ. Æмбырды архайджытæ байхъуыстой Дзæуджыхъæуы наукон центры куысты 2023-æм азы хатдзæгты тыххæй докладмæ, стæй ацы азы пълæнттæм.