Оперативон профилактикон мадзал «Мигрант»

165 закъонхалды, рабæрæг кодтой Цæгат Ирыстоны мидхъуыддæгты министрады кусджытæ. Иууылдæр баст сты нæ республикæмæ æнæнзакъонæй æндæр регионтæй адæм кæй æрцыдысты, уыимæ. Сæ ныхмæ 13-æй 17-æм январмæ барадхъахъæнджытæ сарæзтой оперативон-профилактикон мадзал «Мигрант». Абон та уыцы куыстæн хатдзæгтæ скодтой. Мадзалы сæйраг нысан - фæсарæйнаг цæрджытæ нæ бæстæйы закъонтæ куыд æххæст кæнынц, уый сбæрæг кæнын. Арæхдæр бирæ адæм кæм вæййы, уым пъæлицæйæгтæ сарæзтой 1 332 рейды. Басгарстой 1 196 цæрæнуаты, 37 уагдоны, фæсарæнтæй æрцæуæг адæмæн куыст чи ратты, ахæмты. Басгарстмæ ма бахаудысты 57 фысымуаты, 4 æмдзæрæны, 4 объекты санаторон-курортон комплексы æмæ хæдтулæтæн 34 æрлæууæн бынаты. Æдæппæттæй, арæнтæй арвыстой 7 фæсарæйнаг адæймаджы, уыдонæй 3 ныртæккæ сты фæсарæйнаг цæрджыты рæстæгмæ уæвыны центры. Рейдты рæстæг рабæрæг кодтой 34 цауы, нæ бæстæйы уголовон кодексы статьятæм гæсгæ. Байгом кодтой 2 уголовон хъуыддаджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv