Цæгат Ирыстонæн, адæмы кæлæтдзаг хæдзæрттæй ногтæм раивыны программæ дарддæр æххæст кæнынæн...

Цæгат Ирыстонæн, адæмы кæлæтдзаг хæдзæрттæй ногтæм раивыны программæ дарддæр æххæст кæнынæн, радих кæндзысты 65 милуаны æмæ 990 мин сомы. Уый тыххæй хъусын кæны Цæрæнуæтты Коммуналон Хæдзарад, Артаг æмæ Энергетикæйы министрад. Уыдон курдиат бæлæвæрдтой Цæрæнуæтты коммуналон æдзарадæн æхууыс кæныны фондмæ, цæмæй сын ацы азы программæйыл бакусынмæ, æхца радих кæной. Цы фæрæзтæ снысан кодтой, уымæ ма республикæйы бюджетæй бафтаудзысты 3 милуаны æмæ 450 мин сомы. Уый руаджы, ног цæрæн бынæттæм рацæудзысты 123 адæймаджы, 54 кæлæтдзаг хæдзарæй. Профилон министрады сæргълæууæджы хæдивæг, Кучиты Заурбеджы ныхæстæм гæсгæ, ацы аз программæмæ бахаудта Дзæуджыхъæуы 3 бирæуæладзыгон хæдзары. Бафтаудзыстæм ма уый æмæ 2009-æй - 2018-æм азмæ, адæмы кæлæтдзаг хæдзæрттæй ногтæм раивыны программæйæн радих кодтой 2 миллиард сомæй фылдæр. Регионалон бюджетæй та сæм бафтыд 85 милуан сомы. Уыцы æхцайы фæрæзты руаджы сæ царды уавæртæ фæхуыздæр кодтой 7 мины 189 адæймаджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv