Компани «Цæгаткавказэнерго» æппынæдзух бæрæг кæны Цæгат Ирыстоны электрохызон

Компани «Цæгаткавказэнерго» æппынæдзух бæрæг кæны Цæгат Ирыстоны электрохызон комплексы объектты æдасдзинад. Коронавирусы рæстæг кусджытæ ифтонггонд сты хи хъахъхъæныны фæрæзтæй. Регионы тæвд боныхъæд цалдæр боны кæй хæссы, уымæ гæсгæ «Цæгаткавказэнерго»-йы специалисттæ сæ цæст дарынц электрон тыхы дæлстанцæты трансформаторты куыстмæ. Энергообъектты алыварс хус зайæгойтæй расыгъдæг кодтой. Энергетиктæ уæлдай фылдæр æргом здахынц, хъæдты æмæ быдырты цы электрон телтæ ис, уыдонмæ. «Цæгаткавказэнерго»-йы 32 специалисты дихгонд сты 16 бригадыл, ис сæм сæрмагонд техникæйы 16 иуæджы. Уыдон иудадзыг рад хæссынц æмæ суткæйы цыфæнды афон дæр цæттæ сты æнæнхъæлæджы уавæр аиуварс кæнынмæ. Энергетиктæ сидынц адæммæ, цæмæй уой къæрцхъусдæр, æдасдзинады домæнтæ æххæст кæной, электрообъекттæм ’ввахс ран бырæттæ ма судзой. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv