Змисæмхæццæ дон

Цæхæрадæтты æмхæларад «Локомотивы» цæрджытæ 2 къуырийы, куыд фæзæгъынц, донмæ цæуынц æмæ æнæ донæй здæхынц. Сæ хæдзæртты сæм парахатæй кæлы, æрмæст змисимæ. Куы дзы схуыпп кæнай, уæд адæймагæн йæ дæндæгты `хсæнты схъыс-хъыс кæны. "Донарæхæн - дæ цард", зæгъгæ, арфæйæн баззад, æмхæларады цæрджытæ та сæ донæй се сæфт федтой. Адæм тыхсынц, кæдмæ, дам, уыдзыстæм ахæм уавæры. Дзæуджыхъæуы доны хæдзарады кусджытæ та сын сæхи аххосджын кæнынц. Нуазыны дон фæрсудзæг цæрджыты бабæрæг кодтой нæ уацхæсджытæ дæр. 2 къуырийы размæ цæхæрадæтты æмхæларад Локомотивы цæрджытæ хъаст кæнын райдыдтой, нуазыны дон сæм змисимæ кæй цæуы, уый тыххæй. Цардыуаджы домæнтæ дзы нæ сæххæст кæндзынæ, донæй кусгæ техникæ ферохгæнæн ис, уæдæ дзы дойны басæттæн дæр нæй. Кæй бафæнддзæн дурæзгъæлæнтимæ доны йæ былтæ тулын. Мæ сниральный машинæ нæ кусы, кърæнтытæ дæр уынут. Нæ къустæ æхсæм тасгондты. Нуазыны дон та æлхæнгæ кæннæм æппынæдзух. Дон чъизийæ кæй кæлы, уый тыххæй цæрджытæ хъаст кодтой доны хæдзарадмæ. Фæлæ уым дæр къæрттæй цъула не ппарынц - уæхи аххос у, зæгъгæ. Дон змисимæ куыд згъордта, афтæ згъоры. Змисджын дон кæй кæлы адæмы хæдзæрдтæм, уым фыццаджыдæр аххос сты цæрджытæ - доны хæтæлтæ сæ хæдзæрдтæй раст уагъд не рцыдысты. Уыцы системæйы дон дыууæ рдæм кæны - цъилау зилы, æмæ арæх дзы исты куы вæййы, уæд амбырд вæййы. Специалисттæ куыд зæгъынц, афтæмæй дон змисæй ссыгъдæг уыдзæн фæстæдæр - донцъирæнты йе `мвæзад куы фæфылдæр уа, уæд. Ныр уал кусджытæ зилынц хæдзæрттыл æмæ лæмбынæг кæсынц, змис фылдæр кæм æмбырд кæны, уымæ Дон калынц гидрантæй. Æнæ уымæй йæ расыгъдæггæнæн нæй. Зæрдæ `вæрынц, ахæм уавæры адæм бирæ рæстæг кæй нæ фæуыдзысты. Тагъд сæ дон хъуамæ цæссыгæй сыгъдæгдæр фæуа. Гæззаты Зæринæ, Николас Джиоев, Александр Левченко, Игорь Войцеховский - Ирыстоны Хабæрттæ _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv