Цæмæй æнæниз уæм

Цæгат Ирыстон райсдзæн нырыккон кусæнгæрзтæ онкологон, стæй зæрдæ æмæ тугдадзинты низтæ иртасынæн. Уый тыххæй фехъусын кодтой республикæйы Хицауады æмбырды. Нырыккон техникæ нæ республикæмæ `рхаудзæн сæрмагонд нысанмæ программæйы фæлгæты. Ныридæгæн уал æй балхæдтой Республикæйы клиникон рынчындонæн. Иннæ азы хъуамæ баивой, коронарографийæн ахъаз чи уыдзæн, уыцы кусæнгарз. Республикæйы разамынд уыцы хæс нымайы тæккæ ахсджиагдæртæй иуыл. Статистикон бæрæгæнæнтæ куыд амонынц, афтæмæй зæрдæ æмæ зæрдæимæ баст низтæ сты адæмы амæлæты сæйрагдæр аххосæгтæ - се `ппæт аххосæгты 63,3 проценты. Уымæ гæсгæ канд техникон рацарæзтыл нæ цæуы ныхас. Хъæуы ма адæмы дæр кусын сахуыр кæнын ног техникæйыл.   _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv