Йæ цардæй ахицæн Есенаты Константин
Уæрæсейы сгуыхт дохтыр, сывæллæтты фыццаг хирург æмæ уарзон æмкусæг. Йæ цардæй ахицæн Есенаты Константин. Зындгод дохтырыл цыд 92 азы. Медицинон наукæты кандидат, сывæллæтты хирургийы къабазы бакуыста 100 наукон куыстæй фылдæрыл. Есенаты Константин райгуырд æмæ схъомыл Даргъ Къохы, бинонты уыд кæстæр сывæллон. Йæ хистæр æфсымæр, æфсæддон дохтыры фæзмынгæйæ, йæ цард сфæнд кодта медицинæйæн. Æрыгон лæппуйæ йæ бамбæрста, адæмæн æххуыс кæнын йæ царды нысан кæй у, уый. Есенаты Константин сывæллæтты хирургæй фæкуыста 60 азæй фылдæр. Цал æмæ цал сабийæн баххуыс кодта, уыдоны банымайæн зын у. 1956-æм азы йæ архайды руаджы уæды Орджоникидзейы байгом кодтой хирургон хайад, Цæгат Кавказы уыд фыццаг. Йæ хъæздыг зонындзинæдтæ æмæ егъау фæлтæрддзинад æнæвгъауæй лæвар кодта Цæгат Ирыстоны медицинон академийы студенттæн. Фæндыдис æй, æгæронæй йæ дæсныйад чи уарзы, ахæм дохтырты фæлтæр схъомыл кæнын. Рæстаг, тæригъæдгæнаг æмæ æцæг дохтыр. Есенаты Константин йæ архайдæй йæ ном бафыста Цæгат Ирыстоны медицинæйы историйы.
Уæрæсейы сгуыхт дохтыр, сывæллæтты фыццаг хирург æмæ уарзон æмкусæг. Йæ цардæй ахицæн Есенаты Константин. Зындгод дохтырыл цыд 92 азы. Медицинон наукæты кандидат, сывæллæтты хирургийы къабазы бакуыста 100 наукон куыстæй фылдæрыл. Есенаты Константин райгуырд æмæ схъомыл Даргъ Къохы, бинонты уыд кæстæр сывæллон. Йæ хистæр æфсымæр, æфсæддон дохтыры фæзмынгæйæ, йæ цард сфæнд кодта медицинæйæн. Æрыгон лæппуйæ йæ бамбæрста, адæмæн æххуыс кæнын йæ царды нысан кæй у, уый. Есенаты Константин сывæллæтты хирургæй фæкуыста 60 азæй фылдæр. Цал æмæ цал сабийæн баххуыс кодта, уыдоны банымайæн зын у. 1956-æм азы йæ архайды руаджы уæды Орджоникидзейы байгом кодтой хирургон хайад, Цæгат Кавказы уыд фыццаг. Йæ хъæздыг зонындзинæдтæ æмæ егъау фæлтæрддзинад æнæвгъауæй лæвар кодта Цæгат Ирыстоны медицинон академийы студенттæн. Фæндыдис æй, æгæронæй йæ дæсныйад чи уарзы, ахæм дохтырты фæлтæр схъомыл кæнын. Рæстаг, тæригъæдгæнаг æмæ æцæг дохтыр. Есенаты Константин йæ архайдæй йæ ном бафыста Цæгат Ирыстоны медицинæйы историйы.