«Приличные девушки»

Ацы фæлладуадзæн бонты Евгений Вахтанговы номыл театры уыдзæн спектакль «Приличные девушки»-йы премьерæ. Йæ режиссер Богдан Петканин у Болгарийæ. Цæгат Ирыстоны йæ фыццаг хатт не `суазæг кодтой. Ныридæгæн йæ къухы бафтыд цалдæр спектаклы сæвæрын. Нæ республикæйы цæрджытæн систы уарзон. Ныр та театры артисттæ сæхи цæттæ кæнынц премьерæмæ. Нырма уал æнæ сценикон уæлæдарæс æмæ декорацитæй. Афтæ Вахтанговы номыл уырыссаг театры артисттæ цæттæ кæнынц спектакль «Приличные девушки»-йы премьерæмæ. Спектаклы æвдыст цæуы æртæ хæлар чызджыты хъысмæт. Сæ бæллицты фæдыл стыр горæтмæ ацыдысты. Алкæмæдæр дзы ис йæхи нысæнттæ. Уыдон æххæстгæнгæйæ бирæ зындзинæдтæ бавзæрстой. Уырыссаг театры актрисæ, Алена бондаренкойы хъайтар спектаклы у сæйрагтæй иу. «Спектаклы хъазын чызджытæй иуы фæлгонц. Сюжетмæ гæсгæ мæ ном у Аннæ. Аннæ у хъæздыг бинонты чызг. Йæ тызмæг бинонтæй ралыгъд ардæм. Сфæлдыстадон дæсныйад уыд йæ стырдæр бæллиц», - РЦИ-Аланийы сгуыхт артисткæ Алена Бондаренко. Спектакль æвæрынц Леонид Адамовы уацмысмæ гæсгæ. Уæлдай цымыдисаг та уымæй у, æмæ актертæ сценæйыл зардзысты, кафдзысты æмæ цæгъддзысты музыкалон инструменттыл. Актертæ сæхи цæттæ кæнынц цалдæр мæйы. Спектаклы хореограф у специалист - Сергей Никульшин. Ссыдис Ростовæй. «Нæ кæфтытæ рагæй цæттæ кæнæм. Ивгъуыд аз ноябрæй абонмæ. Профессионалон кафджытæ не 'хсæн нæй. Фæлæ нæ Сергей Никульшин ахуыр кæны профессионалты хуызæн кафын», - РЦИ-Аланийы сгуыхт артисткæ Алена Бондаренко. Спектаклы режиссер Богдан Петканины æрбахуыдтой Болгарийæ. Цæгат Ирыстонмæ цыппæрæм хатт ссыд. Йæ къухы бафтыд республикæйы цæрджытæн уарзон цы спекаткльтæ систы «Лес», «Зануда», æмæ «Любовь несмотря ни на что», зæгъгæ уыдон сæвæрын. «Нæ спектакль хуымæтæг нæу. Ныфс мæм ис, адæмы зæрдæмæ кæй бацæудзæн. Ис нын дзы кæфтытæ, заргæ дæр кæндзыстæм. Уымæ гæсгæ та актертæн дæр æмæ режиссерæн дæр сæ куыст зындæр у», - спектаклы режиссер Богдан Петканин. Ныртæккæ артистты къорд бæстонæй сæхи цæттæ кæнынц премьерæмæ. Бирæ йæм нал баззад. Уымæ гæсгæ актетрæ иу сахат дæр улæфыны рæстæг нæй. Уæдæ сæм Фидæны стыр æнтыстдзинæдтæ кæй æнхъæлмæ кæсы, уый дызæрдыккаг нæу. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv