Хуссар æфсæддон зылды мотоæхсджытæ Цæгат Ирыстоны сарæзтой ротон тактикон ахуыртæ

Хуссар æфсæддон зылды мотоæхсджытæ Цæгат Ирыстоны сарæзтой ротон-тактикон ахуыртæ. Тарскæйы полигоны æхстыты архæйдта авиаци дæр. Ахуырты сæ арæхстдзинад равдыстой 58-æм æфсады 400 службæгæнæджы æмæ техникæйы 60 иуæджы. Ахуырты спайда кодтой БМП-3 æфсæддон хæдтулгæтæй, минометтæ «Сани», артиллерион установкæтæ, танктæ æмæ æндæр æфсæддон хæцæнгарзæй, уыимæ хибарæй тæхæг кусæнгарзæй æмæ хæдтæхджытæ Ми-8-тæй. Командыгæнджытæ сбæлвырд кодтой æфсæддонты арæхстдзинад æмæ эмоционалон æгъдауæй цæттæдзинад. Аргъ скодтой дæлхайæдты сæ мысантæ куыд акъуырдтой уымæн. Цы зонындзинæдтæ райстой уыдонæй ныр пайда кæндзысты хæстон уавæрты. Пъланмæ гæсгæ Тарскæйы сарæзтам сæрмагонд ахуыртæ. Сæ зонындзинæдтæ ма иу-хатт сфæлхат кодтой. Уымæй уæлдай командыгæнджытæ дæр сæ фæлтæрддзинад фæуæлдæр кодтой. Алчидæр сæ дæлхайæдтæн æнтыстджынæй разамынд лæвæрдта. Сæ бæрæггæнæнтæ хорз æмæ иттæг хорз. Æхстыт рæстæг æппæт мысантæ дæр акъуырдтой. Сæ сæйраг хæслæвæрдтæ дæлхайæдты службæгæнджытæ сæххæст кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv