Дзæуджыхъæуккаг "шумахер"

Æнæрхъуыды сæры ахаст арæх рахизы рог митæм. Хорз уаид æмæ иу, сойы фыхæй рогдæр чи свæййы, уыдон сæ цард уæддæр куы хъахъхъæниккой. Мæнæ ацы Дзæуджыхъæуккаг шумахер æвæццæгæн æмæ æдасдзинад цы у, уый никуы фехъуыста. Экстрим банкъарыны тыххæй йæхи машинæйы фæдыл фæласын кодта. Уымæй уæлдай ма-иу æй алыхуызон позæтæ камерæмæ райсын дæр нæ ферох. Ацы æнæсæрфат сæрбихъуырæйттæ бахаудысты социалон хызтæм. Адæм сбыцæу сты. Иуæй-иутæм видео цымыдисаг фæкаст. Иннæтæ та йæ æнæууылд æмæ тæссагыл банымадтой. Æмæ куыд нæ?! Раздæр дæр Интернет йæ тæккæ дзаг уыд ахæм роликтæй. Чи дзоныгъыл йæхи баста хæдтулгæмæ, чи бирæуæладзыгон хæдзары сæрæй дзедзырой кодта, чи поезды хæдразмæ фæндагыл гæпп кодта. Хъыгагæн, уыцы сæртæгтæй бирæтæ се `дылыдзинады тыххæй сæ адзал ссардтой. Афтæмæй йæ цард æмæ йе `нæниздзинадæн аргъ чи кæны, уыдоны номхыгъдыл бафтыд - уынут æй роличы. Нæ зæрдæ дардзыстæм, фæзминаг кæй нæ уыдзæн, ууыл. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv