Дамир Хасаншин рамбылдта Азийы ерысты шахмæттæй

Пьедесталыл - Дамир Хасаншин. Чысыл лæппуйы къухты - рапидæй скъоладзауты 'хсæн Азийы ерысты сыгъзæрин. Хæрзиуæджы фæстæ дæсгай партитæ, бæлвырд куыст æмæ нымад секундтæм уынаффæ рахæссын зонын.  — Æз ахъазыдтæн 60 турниры. Шахмæттæ мæнæн хуымæтæг уарзон архайд нæу, мæн фæнды дунейы чемпион суæвын. Рапид — тагъд шахмæттæ, алы цыдӕн дӕр ахъуыды кӕнынӕн лӕвӕрд ӕрцыд цыбыр рӕстӕг. Ам ахсджиаг у æрмæст комбинаци банымайын нæ, фæлæ ма йæ ныхмæлæууæгæй раздæр скæнын дæр. Иу рæдыдæн йæ бон у партийы цыд аивын. Фæстиат та, хатгай, уæлахизы аргъ вæййы. Уымæ гæсгæ турнирмæ æрвылбон бæстон цæттæ кодтой. — Тыхджын ныхмæлæуджытæ куы фæзынд, уæд иу алы партимæ дæр сæрмагондæй цæттæ кодтам. Ома иу базыдтам архайджыты кастыстæм куыд архайынц æмæ уымæ гæсгæ мах дæр нæ хъазт арæзтам. Дамир Хасаншинæн ацы уæлахиз фыццаг нæу. Фарон сси Уæрæсейы дыууæ хатты чемпион 9 азы онг скъоладзауты 'хсæн. Йæ уарзон спортæн лæппу снывонд кодта æртæ азы. Тренертæ уайтагъд федтой æвзонг шахматисты арæхстдзинад. - Дамир æвдисы стыр æнтсытдзинæдтæ. Алцыдæр райдыдта Уæрæсейы чемпионатæй. Ацы аз та ма райста фыццаг сыгъзæрин майдан. Йæ тренеры ныхæстæм гæсгæ, Дамир у дунейы хуыздæр шахматист. Ерысты тохы Азиаг шахмӕтты федерацийы разамындӕй архайдтой 330 спортсмены 13 бӕстӕйӕ. 9 азы онг кары категорийы Дамир райста 7,5 баллы. Разæй ма æвзонг чемпионмæ æнхъæлмæ кæсы бирæ ног партитæ, турниртæ æмæ ног гæнæнтæ, фæнысан кодтой йæ разамонджытæ.