Владимир Путин Цæгат Ирыстоны прокурорæй снысан кодта Александр Морозовы

Уæрæсейы президент Владимир Путин Цæгат Ирыстоны прокурорæй снысан кодта Александр Морозовы. Сæрмагонд бардзырд апарахат кодтой барадон информацийы официалон порталы. Александр Морозов райгуырд 1975-æм азы. Каст фæци Ульяновскы паддзахадон университет, «юриспруденци». 1998-æм азы райдыдта службæ кæнын Ульяновскы облæсты прокуратурæйы. 2014-æм азы та йæ снысан кодтой Пензенски облæсты прокуроры хæдивæгæй. Александр Морозов хорзæхджынгонд у «За безупречную службу», зæгъгæ, æмæ «Уæрæсейы прокуратурæйы сгуыхт кусæджы» хæрзиуджытæй. Александ Морозов Цæгат Ирыстоны прокуроры бынат ахсдзæн 5 азы. Раздæр уыцы бынат ахста Владимир Векшин, сентябры йæ йæ куыстæй суæгъд кодтой. Прокуроры хæстæ рæстæгмæ æххæст кодта йæ хæдивæг Дмитрий Загуройко.   _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv