Трагедийы азæлд

30 азы размæ Арменийы æрцыд, æмбал кæмæн нæ уыд, ахæм тыхджын зæххæнкъуыст. Йæ тых хæццæ кодта 10 баллмæ. Горæт Ленинаканы иу хæдзары къул дæр æнæхъæнæй нал баззад. Ныртæккæ йын радтой ног ном – хуыйны Гюмри. Кировакан дæр ын йе `намонды хал ахордта – дур дзы дурыл нал баззад. Уæдæ Спитак та зæххы скъуыдты аирвæзт. Æрдзон фыдбылызы аххосæй, официалон бæрæггæнæнтæм гæсгæ, фæмард 25 мин адæймаджы, 140 мин адæймаджы баззадысты инвалидтæй. Зæххæнкъуыст минуты `рдæгмæ æгас Арменийы цард къæссавæлдæхт фæкодта. 500 мин адæймаджы æнæ хæдзæрттæй аззадысты. Æрдзон цау нызмæлын кодта æнæхъæн Советон Цæдисы адæмы зæрдæтæ. Æртæ къуырийы бархионтæ, чи ныккалд, уыцы бæстыхæйтты бын агуырдтой удæгас адæмы. Æфсæддонтæ, ирвæзынгæнджытæ, хуымæтæг адæм уыцы куыстытæ кодтой æнæ сæрмагонд техникæйæ. Зæххæнкъуысты хъæдгæмттæ абон дæр ма бæрæг дарынц. Бирæ бинонтæ ныр дæр цæрынц рæстæгмæ хæдзæртты. Æппæт Арменийы та абон аразынц номарæн акцитæ. Спитакы байгом кодтой Мысæн Аллейæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv