Йæ цардæй ахицæн Бирæгъты Юрий
Уæззау хабар. Дæргъвæтин низы фæстæ йæ цардæй ахицæн Бирæгъты Юрий. Цæгат Ирыстоны хицауады раздæры сæрдар йæ фæллойадон фæндаг райдыдта хуымæтæг инженерæй. Кондады кусгæйæ кӕнӕ разамынддæттæг уæвгæйæ, кæддæриддæр бæрæг дардта йæ дæсныдзинадæй. Бирæ азты дæргъы уыд куыстуат «Одежда»-йы генералон директор. Уыцы рæстæгмæ фабрикæ сси Уæрæсейы Скъоладзауты уæлæдарæс хуыйджыты национ цæдисы уæнг. Йæ фæрцы сног сты технологон гæнæнтæ æмæ «Одежда» скъоладзауты уæлæдарæсы бирæ ног хуызтæ уадзын райдыдта. Уыимæ иумæ, Бирæгъты Юрий къорд азты дæргъы уыд бæстæйы Промышленность æмæ амалхъомады кусджыты цæдисы цæгатирыстойнаг хайады сæргъы. Цæстуарзон адæймаг æмæ дæсны специалистæн йæ ном хъуыстгонд у канд республикæйы нæ, фæлæ ма Уæрæсейы дæр. Бирæгъты Юрийыл цыд 84 азы. Йæ бинонтæ, хæлæрттæ æмæ хæстæджытæн тæфæрфæс ракодта республикæйы сæргълæууæг Сергей Меняйло.