Фыдыбæстæйы Стыр хæсты цауты тыххæй информаци базоныны курдиат æрбацыд Финляндийæ

Финляндийы хицауады уæнгтæ курдиат балæвæрдтой Цæгат Ирыстоны паддзахадон университеты фæсарæйнаг бастдзинæдты хайадмæ, цæмæй сын баххуыс кæной, Фыдыбæстæйы Стыр хæсты Толдзгуынмæ ввахс немыцæгтæ цы бынæттон цæрджыты амардтой, уыдоны стæгдартæ ссарын æмæ сын сæ нæмттæ сбæрæг кæнын. Немыцаг дивизийы уæд службæ кодтой финаг хæстонтæ дæр. Уыдон немыцæгтимæ 31 декабры 1942 азы амардтой 7 бынæттон цæрæджы. Хъæуы цæрджытыл йæ къух чи систа, уыдоны хсæн уыдысты финаг хæстонтæ дæр. Финляндийы минæвæрттæ уый тыххæй базыдтой немыцаг салдаттæй Толдзгуыны, чи уыд уыдоны мысинæгтæ бакæсгæйæ. Историон факультетæй Толдзгуынмæ арвыстой иртасджыты къорд. Уыдон бынаты сбæрæг кодтой хъуыддаг æцæгæйдæр афтæ кæй уыд, уый. Радзырдта сын æй Фыдыбæстæйы Стыр хæсты цаутæ йæхиуыл чи бавзæрста, ахæм бынæттон цæрæг Хæмыцаты Хæдзырет. Хадзырет у Фыдыбæстæйы Стыр хæсты ветеран, Толдзгуыны кадджындæр хистæртæй иу. 20-æм æнусы сæйрагдæр цаутæй иу, Фыдыбæстæйы Стыр хæст куы фæцис, уæдæй нырмæ рацыд 74 азы. Мингай советон салдаты радтой сæ цард райгуырæн бæстæйы сæраппонд, цæмæй знаг саст æрцæуа. Абоны фæлтæртæй дæр рох не сты се дзард фыдæлты нæмттæ. Толдзгуыны кæй фехстой уыдоны нæмттæ сæрмагонд къорд сбæрæг кодта Цыколайы. Уыцы 7 адæймаджы бæрæггонд æрцыдысты, фæлæ ма бынæттон цæрджыты ныхæстæм гæсгæ, уыцы рæстæг Толдзгуыны ныгæд æрцыд 18 фашисты, се хсæн финаг нацийы минæвæрттæ дæр. Историон факультеты минæвæрттæ цы куыст бакодтой уый хатдзæгтæ арвыстой Финляндимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv