Дзанайты Барис разамындæй уыд республикæйы хицауады æмбырд
400 млн сомы æрвыст æрцæудзысты республикæйы бæлццæтæласæн транспорты райрæзтæн. 300 млн сомæй балхæндзысты Дзæуджыхъæуæн автобустæ. Иннæ æхцайӕ — районты 'хсæн цӕуынӕн хæдтулгæтæ. Æдæппæтæй 42 автобусы. Уый тыххæй хицауады æмбырды фехъусын кодта профилон комитеты сæрдар Солиты Тариэль. Регион æхцайы фæрæзтæ райста къазнайы сæрмагонд кредитты фæлгæты. Дзанайты Барис куыд фæбæрæг кодта, афтæмæй æхсæнадон транспорт æнтыстджынæй ноггонд цæуы. Æрмæст ацы аз самал кодтой 70 нырыккон автобусы. Ноджы ма 42 фæзындзысты афæдзы кæронмæ. Æдæппæтæй ацы хъуыддагӕн рахай кодтой миллиард сомæй фылдæр. Æмбырды рæстæг ма ныхас цыд сывæллæтты республикон реабилитацион-дзæбæхгæнæн центр "Хæххон уæлдæф"-ыл. Ныр хæсдзæн ном социалон-дзæбæхгæнæн центр "Хæххон уæлдæф". Афтæ уагдонæн фæуæрæхдæр сты йæ гæнæнтæ. Афæдзмæ сæ бон уыдзæн суазæг кæнын мины онг сывæллоны. Куыд ма фехъусын кодтой æмбырды, афтæмæй сидзæр æмæ æнахъом сывæллæттæн уыдзӕн лӕвар дыккаг профессионалон ахуырад райсыны фадат. Афтæмæй сæ бон уыдзæн ног дæсныйад райсын æмæ исын фиддонтæ ахуырадон литературæ æмæ хъæугæ дзауматæн. Уымæй уæлдай ма, исдзысты æрвылмæйон пособи дæр.
400 млн сомы æрвыст æрцæудзысты республикæйы бæлццæтæласæн транспорты райрæзтæн. 300 млн сомæй балхæндзысты Дзæуджыхъæуæн автобустæ. Иннæ æхцайӕ — районты 'хсæн цӕуынӕн хæдтулгæтæ. Æдæппæтæй 42 автобусы. Уый тыххæй хицауады æмбырды фехъусын кодта профилон комитеты сæрдар Солиты Тариэль. Регион æхцайы фæрæзтæ райста къазнайы сæрмагонд кредитты фæлгæты. Дзанайты Барис куыд фæбæрæг кодта, афтæмæй æхсæнадон транспорт æнтыстджынæй ноггонд цæуы. Æрмæст ацы аз самал кодтой 70 нырыккон автобусы. Ноджы ма 42 фæзындзысты афæдзы кæронмæ. Æдæппæтæй ацы хъуыддагӕн рахай кодтой миллиард сомæй фылдæр. Æмбырды рæстæг ма ныхас цыд сывæллæтты республикон реабилитацион-дзæбæхгæнæн центр "Хæххон уæлдæф"-ыл. Ныр хæсдзæн ном социалон-дзæбæхгæнæн центр "Хæххон уæлдæф". Афтæ уагдонæн фæуæрæхдæр сты йæ гæнæнтæ. Афæдзмæ сæ бон уыдзæн суазæг кæнын мины онг сывæллоны. Куыд ма фехъусын кодтой æмбырды, афтæмæй сидзæр æмæ æнахъом сывæллæттæн уыдзӕн лӕвар дыккаг профессионалон ахуырад райсыны фадат. Афтæмæй сæ бон уыдзæн ног дæсныйад райсын æмæ исын фиддонтæ ахуырадон литературæ æмæ хъæугæ дзауматæн. Уымæй уæлдай ма, исдзысты æрвылмæйон пособи дæр.