Хуссар Ирыстоны паддзахадон драмон театр йæ ног сезонмæ цæттæ кæны

Хуссар Ирыстонæй хабæрттæ дæр нæ абон нæ ферох сты. Уым та Хетæгкаты Къостайы номыл паддзахадон драмон театр ацы аз йæ ног сезон байгом кæнынмæ цæттæ кæны. 88-æм театралон сезон райдайдзысты спекталь «Фатимæ»-йæ. Ирд æмæ цымыдисаг кæй уыдзæн, ууыл дызæрдыг нæ кæнынц. Театрты кусджыты ныхæстæм гæсгæ, драмон театры ацы хатт дæр алцыдæр арæзт æрцæудзæн хуыздæр традицитæм гæсгæ. Хетæгкаты Къостайы номыл паддзахадон драмон театр ацы аз йæ 88 театралон сезон байгом кæндзæн спекталь, «Фатима»-йæ.  Дард 1931-æм азы адæмы`хсæн рухс федта сектакль Фатимæ. Уæд, 29-æм июлы Цхинвалы культурæйы хæдзары ног бæстыхайы, Хуссар Ирыстойнаг паддзахадон профессионалон театр йæ фыццаг сезон байгом кодта Церетелийы æртæ актон пъессæ «Лихорадка»-йæ. Сталиниры драмон корд афтæ сфидар æмæ аивадон-сфæлдыстадон хъуыддаджы афтæ размæ рацыд, æмæ йæ архайд къорды æмвæзæдæй уæлæмæ хизын райдыдта. Бирæ фæфылдæр сты театруарзджыты домæнтæ дæр.  Фарст сывзæрд профессианалон драмон театры саразыны фæдыл. Уæдмæ Сталиниры арæзт æрцыд театры сæрмагонд бæстыхай. Хицауады фæндонмæ гæсгæ, Сталиниры драмон къорд рацарæзтой Хуссар Ирыстоны паддзахадон драмон театрмæ. Уæдæй фæстæмæ иууыл уæззаудæр рæстæджыты дæр паддзахадон драмон театр архайдта сценæмæкæсджыты зæрдæтæ ног спектаклтæй барухс кæныныл. Ацы аз ног сезон байгом уыдзæн 15-æм сентябры. Спектакль «Фатима»-йæ уæлдай ма адæммæ æхъæлмæ кæсы цымыдисаг ногдзинæдтæ дæр.   Ацы аз ма юбилейон уыдзæн Хуссар Ирыстоны дыууæ адæмон артист-Уанеты Æхсар æмæ Хаситы Вильгельмæн. Сæ кадæн æвæрд æрцæудзæн Хуыгаты Георы пьесæмæ гæсгæ спектакль «Сæтти æмæ Бæтти», Æвзонг режиссер Челæхсаты Эдуард аивадуарзджыты зæрдæтæ барухс кæндзæн Красногоровы пьессæмæ гæсгæ æвæрд спектакль «Любовь, до безумия»-йæ. Иу ныххæсæй,театры 88-æм сезон уыдзæн ирд æмæ цымыдисаг, æппæт дæр арæзт æрцæудзæн Хетагкаты Къостайы номыл паддзахадон драмон театры хуыздæр традицитæм гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv