Курдиатджын фæсивæд рабæрæг кæнынæн Цæгат Ирыстоны байгом кæндзысты æххуысы центр

Курдиатджын фæсивæд рабæрæг кæнынæн Цæгат Ирыстоны байгом кæндзысты æххуысы центр. Уый тыххæй ныхас кодтой проектон офисы радон æмбырды. Разамынд ын лæвæрдта республикæйы сæргълæууæг Битарты Вячеслав. Центр байгом кæныны хъуыддаджы пайда кæнынц ахуырадон центр «Сириус»-ы хæрзхъæд куысты æвдисæнтæй. Уый æнтыстджынæй архайы Сочийы, ахъаз у курдиатджын сывæллæтты рæзтæн. Цæгат Ирыстоны цы центр байгом кæндзысты, уым фæнд кæнынц 5-11 кълæсты ахуырдзаутимæ кусын. Ахуырад арæзт уыдзæн сменæгай: иу - «Культурæ», иннæ - «Наукæ». Ахуырад æмæ наукæйы министрады разамонæг Людмила Башарина куыд фæнысан кодта, афтæмæй ахуырдзауты æвзардзысты муниципалон олимпиадæты хорз бæрæггæнæнтæм гæсгæ. Центры кусдзысты куыд нæхи аъуыргæнджытæ, афтæ Уæрæсейы æндæр регионтæй дæр. Битарты Вячеславы хъуыдымæ гæсгæ сæ ныртæккæ хъæуы райдайын цæттæ кæнын. Центры уыдзæн 50 бынаты, араздзысты йæ Доны станцæйы районы. Йæ фарсмæ уыдзысты футбол, баскетбол æмæ волейболæй хъазынæн фæзтæ дæр. Уæ зæрдыл уын æрлæууын кæндзыстæм, сывæллæттæн техникон, инженерон æмæ аивадон гæнæтæ уæрæхдæр кæнын кæй бахæс кодта Уæрæсейы президент Владимир Путин йе`рвылазон ныстуаны. Уый тыххæй фæнысан кодта нæ республикæйы сæргълæууæг дæр йæ раныхасы парламентмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv