Цæгатирыстойнаг энергетиктæ æмæ тæрхондоны пъырыстыфтæ сарæзтой рейдтæ

Цæгатирыстойнаг энергетиктæ æмæ тæрхондоны пъырыстыфтæ сарæзтой иумæйаг рейдтæ. Фæлхасгæнджытæй æрдомдтой сæ хæстæ. Сæ фылдæр хай хъуамæ бафидой хъармгæнæн хызы куыстуæттæн. Электрон тыхæн чи нæ фида, уыдонмæ æнхъæлмæ кæсынц уæлæмхасæн хæрдзтæ. Разамынддæттæг компани «Россети Цæгат Кавказ» æмæ «ЦæгатКавказэнерго»-йы кусджытæ Дзæуджыхъæуы бабæрæг кодтой, электрон тыхæн рагæй чи нæ бафыста 17 ахæм цæрæджы. Мæйгæйттæ æмæ афæдзгай чи нæ фиды, уыдоны энергетиктæ æфхæрынц. Рейды рæстæг иу фæлхасгæнæгæн байстой йæ исбон. Ныр, цæмæй йын йæ телевизор æмæ гæрзтæ æхсæн машинæ фæстæмæ радтой, уый тыххæй йæ бахъæудзæн хæсæн йæ кæцыдæр хай бафидын. Цæгаткавказэнергойы корпоративон управленийы разамонæг Бесаты Сергейы ныхæстæм гæсгæ, цæрджытæй, æппындæр чи нæ фиды, æрмæстдæр уыдонæн байсынц сæ исбон. Хæсджынтæн фæсарæнтæм ацæуын бар дæр нæ уыдзæн. Хæстæ кæмæн ис, уыдоны ныхмæ дарддæр дæр арæзт цæудзысты, закъонмæ гæсгæ цы æмбæлы, æппæт уыцы мадзæлттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv