Цæгат Ирыстоны авиабилеттæ сты асламдæрты хсæн

Цæгат Ирыстон, Хъалмыхъы республикæ æмæ Липецки облæсты цæрджытæ Уæрæсейы авикомпаниты лæггæдтæй пайдагæнгæйæ фидынц æппæты къаддæр. Уый тыххæй хъусын кæны портал Biletix. Æппæты зынаргъдæр билеттæ сты Чукоткæ, Дард Хурыскæсæн æмæ Якутимæ. Ныртæккæ уын нæ егъау экраныл равдисдзыстæм билетты рæстæмбис аргъ нæ бæстæйы алыхуызон горæттæм. Зæгъæм Дзæуджыхъæуæй Мæскуымæ билеты рæстæмбис аргъ у 4100 сомы, Элистайæ - 5800 сомы, Липецкæй чи рабалц кодта, уыдон та бафыстой - 6200 сомы. Дард Хурыскæсæны регионты цæрджытæ билет æлхæнгæйæ сæ дзыппытæ раафтид кæнынц фондз хатты фылдæр. Анадырæй уæлдæфон науыл йæ фæндаг чи ракæны, уыдонæн сæ биллетты рæстæмбис аргъ у 41 300 сомы, Владивостокæй - 35 500 сомы, Якутскæй та 33 800 сомы. Фæсарæнтæм тæхгæйæ æппæты асламдæрæй ис Ростовæй абалц кæнын. Билæты рæстæмбис аргъ дыууæрдæм у 12 900 сомы, дарддæр цæуынц Кæсæг-Балхъар, Брянскы æмæ Калининграды облæст æмæ Краснодары край. Фæсарæнтæм тæхгæйæ æппæты фылдæр авикомпанитæн бафидынц Дард Хурыскæсæны цæрджытæ. Якутийæ атæхæн ис 46 мин сомæй, дарддæр цæуынц Кемеровы област, Буряти æмæ Красноярскы край. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv