Гуырдзыстоны хицауад разы у уæлдæфон бастдзинад Уæрæсеимæ байгом кæныныл

Гуырдзыстоны хицауад разы у уæлдæфон бастдзинад Уæрæсеимæ байгом кæныныл. Уый тыххæй фехъусын кодта Гуырдзыстоны премьер-министры сæрмагонд минæвар Уæрæсейы Зураб Абашидзе. Ацы хъуыддаджы фæдыл раздæр ныхас кодтой Уæрæсе æмæ Гуырдзыстоны парламентты къордты ’хсæн æмбырды. Цæмæй хæдтæхджытæ ногæй тæхын райдайой иу паддзахадæй-иннæмæ, уый тыххæй кусынц Уæрæсейы транспорты министрады. Ууыл дзырдтой 26-æм сентябры, Нациты иугонд Организацийы æмбырды, Гуырдзыстон æмæ Уæрæсейы фæсарæйнаг хъуыддæгты фæдыл министртæ дæр. Зураб Абашидзе ивгъуыд аз, Прагæйы, Уæрæсейы минæвар Григорий Карасинимæ ныхас кодта ацы фарстайы тыххæй. Уый дæр фæбæрæг кодта, Мæскуы уæлдæфон фæндаг фæстæмæ байгом кæныны фæнд кæй кæны, уый. Фæлæ хæдтæхджытæ ногæй тæхын кæд райдайдзысты, уый бæлвырдæй зæгъын йæ бон нырма никæмæн у. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv